Skipunin "File". © júní 1999 Tómas Rasmus
Þeir möguleikar sem bjóðast með skipuninni File eru þessir:
"Navigator Window":
Ef þú velur File new og Navigator Window þá opnast nýr gluggi með þeirri vefsíðu sem þú síðast horfðir á á skjánum. Þ.a.e.s þú opnar nýja skjálotu (session) og getur því í raun verið með margar vefsíður opnar í einu."New Message".
Hér opnast þér leið til að fara beint inní pósthlutann í Netscape.
Þú einfaldlega velur póstfangið sem þú vilt senda til og byrjar þín hefðbundnu póstsamskipti. Þessi þáttur er betur skilgreindur á aðalsíðu þessa námskeið undir liðnum Póstur til þín.
"New Blank Page:"
Hér dettur þú beint inní hönnunarham í Netscape, eða Netscape Composer. Hér er sem sagt unnið við vefsíðugerð með tómt vinnublað undir og verkið kallast Untitled þar til annað verður ákveðið.
"New Page From Template:"
"New Page From Wizard":
Með þessum lið getur þú fengið til liðs við þig sérstakan töfrasprota (wizard) frá Netscape. Sem leiðir þig áfram við uppsetningu á vefsíðu.
Hér opnast þér leið til skoða skrá í (Navigator) vefskoðunarforritinu. Það sem þarf að gera er að velja "Choose File" hnappinn og þá leitar forritið í sjálfgefnum möppum. Ef þú hins vegar hakar við hönnunarhlutann (Composer) þá getur þú opnað skrá eða vefsíðu í hönnunarham.
Hér opnast þér leið til að vista vefsíðu í heilu lagi á tölvunni þinni, annað hvort á diskling eða á harða diskinum. Þú einfaldlega velur þér slóð í svæðið "save in" og gefur vefsíðunni nafn í svæðinu "File name:". Síðan setur þú músarbendilinn á "Save" hnappinn.
Nú getur þú sent vefsíðu í heilu lagi á eitthvert póstfang sem þú þekkir. Vefsíðan er send sem trúss eða (attachment) stundum nefnt viðhengi. Þú velur póstfangið og skráir það í svæðið "To", setur eitthvað gáfulegra en "rasmus" í svæðið "Subject" og fyllir síðan út einhvern texta til skýringar..