Til kennara. 

Um notkunarmöguleika á vefnum.

 Í upphafi er mikilvægt að kenna nemendum að fara sjálfum inn á vefinn og láta þá skrá hjá sér á góðan stað aðgangsorðin. Það er einnig þægilegra ef vefslóðin http://www.rasmus.is/  er sett inn í " Bookmarks" í Netscape eða "Favorites" í Internet explorer, vefskoðunarforritinum sem þið notið. Ef þið notið Internet explorer getið þið vistað leyniorðið þannig að ekki þurfi að pikka það alltaf inn. Eftir það er vefurinn aðgengilegur nemandanum þar sem hann kemst í nettengda tölvu.

Þeir skólar sem eru með áskrift ættu endilega að dreifa slóðinni að vefnum ásamt leyniorðum til nemenda sinna þannig að þeir geti unnið með efnið heima hjá sér eða þar sem þeim hentar þegar skólinn er ekki starfandi ( kvöld, helgar og frídaga ), því vefurinn er aldrei í fríi.

 Gott er að prenta út tékklistann fyrir nemanda og fá hann til að færa inn niðurstöður úr prófum. Það hjálpar nemandanum að átta sig á hvaða efnisþáttum hann er sterkur í og hvar hann þarf að vinna betur. Nauðsynlegt er að bera smá virðingu fyrri tékklistanum og geyma hann á góðum stað.

 Kynningar geta verið góðar til glærugerðar ef kennarar kæra sig um.

 Aðstæður í skólum eru mjög mismunandi, í þeim skólum sem best eru búnir er greiður aðgangur að tölvum og kennarar geta notað vefinn ásamt tölvutengdu efni að vild.

 Þar sem aðgangur er takmarkaður verður hver að nýta það sem hann hefur. Þá er gott að vera í samstarfi við kennara í upplýsingatækni og bókasafnskennara.

 Oft er vinnuaðstaða þröng í kringum tölvu en vasareiknir og rissblöð eru þarfatæki við vinnu á vefnum.  Einstaka próf er gott að prenta út og vinna með það og setjast síðan við tölvu og merkja við svör.

 Gangi ykkur vel

Tómas og Hugo Rasmus.